أسرة الفنان المصري محمد شومان تتبرأ منه: حاولنا نشيل اسمه من البطاقة (فيديو)

أسرة الفنان المصري محمد شومان تتبرأ منه: حاولنا نشيل اسمه من البطاقة (فيديو)

صحيفة المرصد: أعلنت لجين شومان، ابنة الفنان المصري محمد شومان، المقيم في تركيا منذ عدة سنوات، تبرئها وأسرتها منه تماما، مؤكدة أن لا علاقة لهم به، سواء هي أو والدتها وأشقاؤها.

جاء ذلك ردا على بيان أصدره والدها من مقره في تركيا قال فيه إنه تم اعتقال ابنه وشقيقه في مصر.

بيان أسرة شومان
ونشرت لجين مقطع فيديو بثته عبر حسابها الخاص على موقع “فيسبوك”، قالت فيه: “اضطريت آسفة أعمل الفيديو ده بعد ما تجنبته لسنين، لأسباب كتير أوي منها إن ناس قليلة جدا اللي تعرف إنك بابايا، فعلا كان نفسي أكمل كده ومحدش يعرف، ده رد على البيان اللي محمد شومان أصدره النهاردة على صفحته”.

وأضافت: “أنا لجين شومان ابنة محمد شومان اللي أصدر بيان النهاردة بيناشد السلطات إنهم ينقذوا أسرته اللي بيموتوا بالبطيء، وإنهم يفرجوا عن أخويا من غير أي شروط”.

ملناش صلة بيك
وتابعت: “الأول عاوز أعلق على إننا مش أسرتك علشان أنت مجرد اسم على البطاقة وإحنا ملناش صلة بيك وقطعنا كل ما ليه علاقة بيك من 5 سنين”.

وأردفت: “ابنك اللي بتناشد السلطات علشان تطلعه اللي أنت متحملتش مسؤوليته من وهو عنده سنة ونص واللي ربته هي أمه واللي طلع مع مامته”.

ومضت تقول: “أنت مش رب أسرتنا، إحنا رب أسرتنا أمنا، ورب أسرة أحمد أمه بردو، أنت مش مسؤول عننا ولا مسؤول مننا، ومش من حقك تطلع تتكلم بلساننا، وإحنا مطلبناش منك ده ولا عمرنا طلبنا منك أي حاجة خالص”.

مالكش دعوة بينا
وأكملت: أنت بتتكلم عن أخوك وابن أخوك بس مالكش دعوة بينا، هما بيحققوا معاه علشان يتأكدوا إنه ما فيش صلة بيك تماما وهيطلع متتدخلش أرجوك”. وتابعت: “عاوز تعمل صورة الأب اللي هو عاوز ينقذ أولاده، انزل وواجه ده بنفسك، بس متبقاش قاعد في بلد تانية وتتكلم بإسمنا”.

واستأنفت: “حاولنا نشيل اسمه، ونرفع قضايا ونتشال منه ميبقاش حتى اسم على البطاقة بس معرفناش، وبنوجه رسالة للسلطات، لو هما يعرفوا يساعدونا نعمل ده عشان نتبرأ تماما منه خليكوا معانا إحنا بنحاول”.

لا تتحدث بلساننا
وأشارت قائلة: “وأرجوك متتكلمش بلساننا ومتطلعش بيانات اللي انت بتعمله ده مجرد صورة، انت بتعمل ده بس علشانك، بتتكلم عن فيلم وبتعمله له دعاية على قفانا، مش عارفة أقولك إيه الحقيقة”.

وواصلت: “أنت بتقول إن احنا بنموت بالبطيء، وإن وجودنا ها أذى لينا، لأ إحنا موجودين هنا بإرادتنا، مفيش حد طلع علينا بأذى، ولا في أذى من الدولة علينا، وجودك هو الأذى الوحيد في حياتنا بجد”.

واختتمت: “إحنا هنا علشان عاوزين نفضل هنا ومن غيرك وبقالنا سنين هنا، إنت هناك علشان ده قرارك إنت لوحدك إن إنت تكمل هناك وتبني حياتك هناك، إحنا كملنا من غيرك وعشنا حياتنا هنا من غيرك وفضلنا نخطي خطوات كتير من غيرك”.

وكان الفنان المصري محمد شومان قد أصدر بيانا رسميا عبر صفحته على “فيسبوك” قال فيه إن قوات الأمن في مصر قامت باعتقال نجله أحمد وشقيقه فؤاد بتاريخ 13 فبراير 2020 وإخفائهما قسريا لعدة أيام ثم وجهت لهما لاحقا اتهامات بالانتماء لجماعة إرهابية.