صحيفة المرصد: حددت وزارة الإسكان شرطاً لحصول المطلقة على وحدات سكنية، واشترطت أن يكون مر على الطلاق سنتان.
وقالت الوزارة عبر حسابها على “تويتر”، رداً على إحدى المتابعات، إنه “إذا مر على الطلاق سنتان، يحق لك التقدم على منتجات الوزارة، ولو لم يكن لديك أبناء”.
وأكدت “الإسكان” أن المطلّقة التي مضى على طلاقها عامان وتعول أبناءها “بأي عدد”، إضافة إلى الأرملة التي تعول أبناءها “بأي عدد”، ضمن المستحقين في برنامج “إسكان”.
للاشتراك في خدمة “واتس آب المرصد” المجانية أرسل كلمة “اشتراك” للرقم (0553226244)
في حال رغبتكم زيارة “المرصد سبورت” أضغط هنا
كثر الشروط عشان ترتفع الاسعار
الله يعين لما لا تملكوا الشباب شقق الذين تقدمه في العمر من 30 سنه وما فوق بعد ذلك شوافوا ايش يسيرنقص في نسبه المطلاقات والارامل والعنسات
مشروع الاسكان فرصه ذهبيه للمطورين والممولين لجني الارباح الفاحشه من المواطنين نظرا الي ان اسعارهم مبالغ فيها بالمقارنه مع اسعار السوق للعقارات
مااكثر كلامكم.
يخيل للقارئ أن وزارة الإسكان تعطي لوجه الله مجاناً ……
شكلهم بيصرفون منتجاتهم ع المطلقات مااحد اشترى منهم
وعارفين المطلقة مااقدرت تاخذ حقها من طليقها واكيد راح ماتقدر تاخذ حقها من فساد العقارين ان اصابها شيء لاقدر الله
ياخوي الاسكان ما اعطت الناس المتقدمين اللي عندهم عوائل حتى تعطي الارامل والمطلقات كلام فاضي
وزير الاسكات وزع ميزانية الوزارةالبالغه ٥٢٠ مليار على تجار العقار والمطورين بطريقة غير مباشره غير الارباح التي سيحصلون عليها من ظهر المواطن والحقيل رجل عقار هل تتوقع انه بيخسر نفسه او العقاريين
يا ابرة الاسكان الارمله والمطلقه اللي ماعندهم ابناء ماذنبهم ولا
عشان الغالبية من الارامل والمطلقات هم الي بدون ابناء لهم الله
أحالت وزارة الإسكات طالبي السكن للبنوك الربوية لشراء الوحدات السكنية من المطوريين العقاريين وأصبحت الوحدة تكلف ضعفي سعرها .
فينه فينه فينه فينه الأسكان خلاص تعبت نفسياتنا لنا عقود نسمع المنتج المطلقه وصوير يستحق وعوير مايستحق لكن على ارض الواقع مافي شيئ غير تصريحات خلاص استحوا من الله. اقسم بالله عيب اذا تعرفون معنى العيب
شروط تعجيزية يا وزارة الاسكان . الله يغني المطلقات الذين ليس لهم ابناء عنكم . الله يتوالهم برحمته
امنحو المتقدمين قروضهم بنظام الاول كي لاتضيق الدينا عليهم وتقهرهم ضروف الحياة
وكم تجلس سنه حتى يجيها السكن؟؟
الشكوى لغير الله مذلة
طيب فرضنا انا زوجتي اجنبية قدمت على الجنسية واخذتها واستقدمت اهلها وطلقتها وابوها اخذ السكن منها
كل رجال يعتمد على نفسه والله لو يجلس ينتظر الإسكان ان يشيب راْسه ماقد سكن وان عطوه سكن سحبوه من البنك الى شقق التمليك او عطوه شي مايبيه
نصيحه الكل يعتمد على نفسه لو بالدِّين
طيب ياوزارة الاسكان اعطيتوا الرجال لين انتهى المتقدمين والفائض خصصتوه للمطلقات ؟
احد الاسباب الرئيسية للخلع
سنتين وبعدها عشر سنوات تنتظر دور ماقصرتوا شكرا لكم
وزاره الإسكا ت لا دور لها حاليا والله رحت البنك قالو لي شي مستحيل جدا تنفيذه الامر الئ الله فقط
الله يعين المواطن السعودي على وزارة الإسكات
سنتين ليش سلامات سووها بالرجل دون شروط
طبعا ابوها اجنبي ياخذ السكن برضاء بنته يعني راح السكن للاجنبي
من اقوى المسكنات على الاطلاق
طيب فرضنا انا زوجتي اجنبية قدمت على الجنسية واخذتها واستقدمت اهلها وطلقتها وابوها اخذ السكن منها ولايزال السكن باسمها مالها حل صح
كل قام يفتي من راسة ويضع له شروط عجيبه هذا التويتر شجع ناس على عدم احترام القانون عشان يقولون فلان وفلان قال كذا وكذا شي عجيب غريب حتى موقع الجوازات في تويتر جمع الوافدين في الموقع وكل يفتي من عنده
ياحضي انا باتطلق من زوجي واقدم ع الاسكان حلوة جدا الطلاق بيكثر ياحريم احسن تعيش الوحده حره وفي بيت لها وحدها
اللي يسمعهم وهم يقولوا منتجات وما منتجات يضن انها ببلاش انا عن نفسي دام منتجاتكم ليست مجانية مابيها اخذ بالدين شي على مزاجي حتى لو يزيد شوي ولا ابي منتجاتكم دام ماهي مجانية
تعليق 27 صدقت والقاضي يساعد البنت على الطلاق للاسف
يالربع هذي وزارة إسكان ولا وزارة تحريض على الطلاق .
الاسكان عاجزه عن تصريف اسكانها الفاشله وتحاول تزيد الطينه بله بتأييد على الطلاق.
وزارة الاسكان وزارة الشروط و وزارة التعليم وزارة القرارات و زارات بلا قرارت صحيحة و مثمرة عليه العوض و منه العوض
اذا ضمنتم السكن لي المطلقه وبتعطوها قبل السنتين سوف اطلق زوجتي ثم راح ارجع لها بعد السنتين
انتم اعطو المتزوجين اصحاب العوائل بعدين فكرو تعطو المطلاقه هههههههه
واللي مطلقة و لها 32 عاما و تعول 3 ابناء و تم رفض طلبها بسبب دفعها فاتورة الكهرباء ممكن اجد الجواب الوافي من الاسكان
ايضا ضعوا شرط في حالة رجعت لزوجها يسحب السكن منها .. بكرا تلاقي نصف الشعب طلق . وحاصة اذا كانت قد تجاوزت الخمسين شعب مخفة وعجيب
سنتين وقت ماتقدمي وبس زيدي على الاثنين نقطة وانتظري بعدها يجيك السكن
كذا تشجعون على الطلاق
المفروض المطلقه تكون خاضعه لبرنامج اصلاح اسري قبل الطلاق يثبت ان الطلاق لاسباب وجيهه حتى تستحق سكن. مو كل المطلقات يستحقون
اجل نطلق العجوز على ورق فقط والنيه في القلب ماعاد تحمل ارب يجيها بيت
ياعالم وزارة الاسكان موجودة معنا على كوكب الارض . او تتحدث عن كوكب آخر.
كل يوم تصريح , الوزارة فقدت مصدقيتها
ت 19 صح لسانك
و جزاك الله خير
لاتغلط ياهاجد … ذي وزارة إسكات مو إستكنان …
مشكلتكم تحسبون ان فيه احد مصدقكم ان عندكم اسكان انتم وزارة استكنان بس غلطانين في الاسم
وزارة الاسكان أنتم الوحيدين اللي ما اصدقكم
طيب التي عندها أبناء احسن حالا من التي ليس لها أبناء لأن الأولى اذا تقدم بها العمر يتكفلون بها أبناؤها والثانية ربما ترمى فى الشارع عندما تفقد والديها ويتخلى عنها اخوانها وتبقى وحيده لا بيت يأويها.
مشكله يتشرطون وهم لسه ماحطوا ولا طوبه على الأرض …. والله مهزله …
ومالحل مع وزارة التصاريح لازم يرفع للحهات العليا حتى تحاسبهم على اذلال المواطنين والشعب?
المطلقات والارامل المفروض تمنح سكن مجاناااااااااا من حقها في وطنها ان لاتحتاج احد وان لاتشعر بالذل والحاجه?
وزارة الاسكان وزارة التصاريح والقرارات الفارغه ?
ليش يعني كل دول الخليج تمنح النساء المطلقات والارامل سكن ومن حقهن ومن ابسط حقوقها?
مانقول غير حسبنا الله وكفى والرزق من الله
خلصوا من تصريحات لذوي الدخل المحدود بدأو في تصريحات للمطلقات
المطلقه رزقها على الله
تريد الصراحية أيها الخبر” لا الأولى بتاخذ ولا الثانية بتاخذ ” هذا هو الواقع الكثير ممن أعرف ظهرت أسمائهم وتم إحالتهم للبنك التجاري و رفضوا ، إسمحي لي أيتها الوزارة إنجازاتك ليست إلا حبرٌ على ورق
خلصوا اول وبعدين حطوا شروط
اول اعطو المتزوجين **
طيب قدمت على الاسكان من وين بتسددكم وهي مش موظفه هل من ضكانها اللي هو 800او1000 الله لها ويعوضها خير وكل بنات وشباب المسلمين
وش اللي قاعد يحصل بوزارة الاسكان هذي .. استفزاز للمواطنين ومماطله وتسويف ….
نطالب ولاة الامر يشوفون لنا حل
تعليق مخالف
والي يبغى خيمة كيف طريقة التقديم
الرزق على الله وحده لاشريك له
هذا الشرط يعطي احساس ان وزارة الاسكان الحين قاعده توزع بيوت على الناس ههههههههههه
هذا الشرط يعطي احساس ان وزارة الاسكان الحين قاعده توزع بيوت على الناس ههههههههههه