امرأة تروي قصة زواجها من 3 رجال في وقتٍ واحد.. وتكشف سببًا غريبًا بشأن عدم انفصالها عنهم!

امرأة تروي قصة زواجها من 3 رجال في وقتٍ واحد.. وتكشف سببًا غريبًا بشأن عدم انفصالها عنهم!

صحيفة المرصد : روت امرأة مصرية، قصة زواجها من ثلاثة رجال معًا وفي وقتٍ واحد، مؤكدة أنها عاشت مع اثنين في نفس التوقيت ولم تستطع الانفصال عن أحدهم بسبب احتياجها لاهتمام الاثنين.

زواج عرفي

وقالت المرأة -بحسب صحيفة “أخبار اليوم” المصرية-: “مش عارفة أحدد المشكلة بدأت إمتى بالظبط، لكن فجأة بعد 20 سنة جواز أول ما سمعت كلمة أنتي طالق للمرة التالتة بعد خناقة ما تستاهلش، كأني ما صدقت، وللأسف أول واحد قالي كلام حلو كان نفسي أسمعه قررت أعيش معه بورقة جواز عرفي”.

اختفاء الزوج الثاني

وأضافت: “خفت أتجوزه رسمي عشان ما يتحولش والمسؤولية تخليه يبطل دلعه ليا، لكن بعد فترة اختفى وماسابش معايا ورقة تثبت الجواز، وبعد فترة ظهر راجل تالت في حياتي، حسيته مختلف ولما أقنعني بالجواز وافقت لأن ضميره بيأنبه ومش عاوز يعمل حاجة حرام”.

عدم الارتياح للزوج الثالث

وتابعت المرأة: “كملت بس بعد فترة حسيت برده إني مش مرتاحة، وبدأت أحس إن عاوزة أرجع لزوجي الأول، ولقتني بكمل مع الاتنين، مش عارفة أخد قرار استمر مع مين فيهم، لأني محتاجة اهتمام كل واحد بطريقته لأن ما حدش فيهم كامل”.

رأي الإفتاء المصرية

وختمت المرأة صاحبة القصة بقولها: “اتصلت بشيخ من دار الإفتاء، وحكيت له اللي حصل معايا كانت صدمتي لما عرفت إن الجواز العرفي ما كنش جواز، وإن زواجي الثالث في حالة الطلاق هيحل ليا رجوعي لزوجي الأول”.