رئيس التحرير : مشعل العريفي

اعترافات صادمة للطبيب المصري الذي طلب من ممرض السجود "لكلبه": "الكلام ده محصلش"!

تابعوا المرصد على Google News وعلى سناب شات Snapchat

صحيفة المرصد : كشفت التحقيقات في القضية التي تداولت إعلاميًا باسم "السجود للكلب"، والتي يحاكم على إثرها كل من الدكتور عمرو خيري (60 عاما)، رئيس أقسام العظام بكلية الطب جامعة عين شمس، وطبيب آخر ومساعد لهما، على خلفية اتهامهم بالتنمر ضد الممرض عادل سالم، والتعدي عليه وإجباره على السجود لكلب، والتشهير به على شبكة الإنترنت.
وبحسب موقع "اليوم السابع" قال الطبيب عمرو خيرى، أستاذ جراحة عظام بكلية الطب جامعة عين شمس، في التحقيقات النيابية بعد سؤاله عن ما هو منسوب إليه : "الكلام ده ما حصلش .. اللي حصل إن أنا شغال طبيب في مستشفى النزهة الدولي، وعندي ممرض اسمه "عادل" بيشتغل معايا بقاله أكثر من 23 سنة، وبحكم العشرة اللي ما بينا أخدنا على بعض، وبقيت بعامله زي صديق".
وتابع الطبيب :"اتعودنا ان بعد يوم العمل الشاق نهزر ونمزح مع بعض وناكل مع بعض، ونصلي مع بعض وهو كان بيجيلي البيت أحيانا، وفي مرة شاف الكلب بتاعي وقعد يلعب معاه، ولما الكلب بتاعي مات أنا حزنت عليه جدا، ولما "عادل" شافني حزين قالي أنت حزين ليه؟ رديت وقولتله عشان الكلب مات، وابتدى يهزر معايا ويمزح على حزني على الكلب".
وأضاف: "وفي مرة كان هو عندي في المكتب و"عادل" قعد يهزر معايا ويقولي أنت لسه حزين على الكلب، وكان موجود فى العيادة السكرتير اسمه "عمرو رفعت"، والدكتور "مسعد جمال الدين"، وقعدنا نهزر مع "عادل" وخليناه يلعب رياضة ودي مش أول مرة وأنا كنت بصوره فيديو وهو بيلعب رياضة، وبعد كدة فوجئت أن الفيديو ده انتشر على مواقع التواصل الاجتماعي، والناس قعدت تهاجمني بعد انتشار الفيديو ده، وبسببه اتقبض عليا النهاردة الفجر وجيت على النيابة، ودا كل اللي حصل".

arrow up