بالفيديو: سائق تاكسي يبكي قهرا بعدما ضربه 4 من أفراد الشرطة المصرية ورفضوا دفع أجرة المشوار

صحيفة المرصد-متابعات: اشتكى مواطن مصري يدعى فؤاد محمد "سائق تاكسي"، من أربعة رجال شرطة مصريين ضربوه وأهانوه، ورفضوا دفع أجرة المشوار وحبسوه و أخذوا متعلقاته. وبحسب موقع "المصريون" قال عم الضحية وهو يبكي : أربعة من رجال الشرطة يرتدون زي مدني، ركبوا معايا من إشارة رمسيس قالولي العباسية..لما وصلتهم العداد عمل معايا 17 جنيه.. فجأة واحد منهم ضربني بالقلم على قفايا، وقاللي "مبندفعش حاجة يا راجل يا خول"، وخد مني مفتاح العربية ووداني القسم..حجزني أربعة أيام وأخد مني الموبيل والبطاقة ورحت النيابة ووكيل النيابة قاللي مفيش ورق أمامي روح يا حاج، فلما رحت المأمور بتاع الوايلي قاللي "حد بيحبس رجالته ..أمشي يا راجل اتكل على الله". وطالب "عم فؤاد" بدموع تنهمر من عيناه رئيس الجمهورية بأن يتدخل لكي يرجع له حقه، مضيفا بصوت مقهور:"أنا مواطن مصري مش مسجل خطر حرام يتعمل فيا كدا ليه.. أنا عايز أقابل رئيس الجمهورية علشان أنا راجل مصري مش مجرم.. حرام".