مصر.. شاهد: والد "الفتاة المنتحرة بسبب صورة مفبركة" يكشف اللحظات الأخيرة في حياة ابنته..ويعلق" لا تصالح مع المتهمين"

صحيفة المرصد: كشف الحاج خالد، والد الطالبة بسنت «ضحية الصور المفبركة» جانبا من حياتها الشخصية واللحظات الأخيرة قبل وفاتها، موضحا أنها كانت حافظة للقرآن الكريم، بعد أن أتمت الـ10 سنوات، وكانت تذهب لمسابقات قرآن وتأخذ جوائز ومجتهدة في دراستها.
حق بنتي مش هيضيع وطالب والد بسنت في فيديو لصحيفة «الوطن» المصرية، القضاء المصري بالقصاص من المتهمين،قائلا: «حق بنتي مش هيضيع، وهي مش بنتي لوحدي، دي بنت القرية وبنت المحافظة وبنت رئيس الجمهورية».
وأضاف: بنتي بسنت حافظت على سمعتها من الناس اللي ابتزوها، وهي مظلومة وربنا كشف الحقيقة، و عندنا ثقة في القضاء وثقة في الله أن حق بسنت هيرجع.
وأشار إلى أنه يعامل أبنائه البنات ليس كأب ولكن كصديق، قائلا: « عندما عرفت موضوع الفيديوهات اللي نزلت عنها، وصور، أخذت بنتي على جنب قولتلها فيه كذا وكذا وكذا، وفيديوهات متداولة».
صور متفبركة يابابا وتابع والد الضحية: «بنتي قالت لي دي صور متفبركة يابابا.. إنت تسمع عني الكلام ده؟، والموضوع انتهى على كده وأخذتها في حضني والموضوع خلص، تاني يوم روحت صليت الجمعة، وأنا جاي من الصلاة جالي تليفون إن بنتك أخذت حباية غلة، وهي وصلت قبل الانتحار، روحنا بيها على مستشفى الجامعة، بس لفظت أنفاسها الآخيرة، حسبي الله ونعم الوكيل في اللي ظلموا بنتي، ومفيش تصالح معاهم».
لا تصالح ورفض والد بسنت أي حديث عن التصالح قائلاً: «دي نفس زهقت، وابتزت ومفيش الكلام ده، هو أنا خابط واحد ولا معور واحد جاي أصالحه في بيته، صوتنا لكل الأجهزة الأمنية عاوزين حق بنتنا».