بالفيديو .. مي حلمي تخرج عن صمتها وتتوعد هؤلاء بعد طلاقها: "وعزة جلال الله مش هسكت"

صحيفة المرصد : ردت الإعلامية المصرية مي حلمي، على الكثير من الشائعات التي انتشرت فور خبر انفصالها عن زوجها الفنان محمد رشاد.
وقالت "مي" في عدة فيديوهات عبر خاصية "ستوري" على "إنستغرام": "أنتم ميتقالكوش غير كلمة واحدة بكل القرف اللي في الدنيا: "أنتم مالكم.. مصر كلها تبعت ويسألوا بكل تطفل.. أنتم مالكم.. فعلا كان قراري صح إن حياتي الشخصية متبانش".
وأضافت: "وعزة جلال الله كل سكرين شوت باخدها وكل قلة أدب بتتكتب هاخدها وأبلغ، واللي يقولك مباحث الإنترنت لا في حاجة اسمها قضايا تشهير بشخصية عامة، دي مش أول مرة، واللي يقولك أصلها مش أصيلة وموقفتش جنبه وخايفة على بيتها، مع إن شرحنا الموضوع 40 ألف مرة.. بقولكم إيه.. أنا أصلا مش مضطرة أبرر حاجة".
وتابعت: "المرة دي مش هسكت لو ليا مزاج أقول حاجة هقولها لو مليش مش هقول، بمزاجي.. أنت إيه اللي يخصك متطلقين ولا مش متطلقين.. أنتم مهتمين تعرفوا حياتنا أكتر مننا، أنتم مالكم، أقولكم زودوا عدد الفولورز واللايك عندي أشكركم".
واختتمت: "في ناس بتقول إني بتبرع بفستان فرحي علشان أمحي الذكريات، وأنا أصلاً منزلة موضوع التبرع من 7 أيام، ولو كلامكم صح كنت أطلع كل الفساتين بتاعتي علشان أمحي كل الذكريات، ما أنا عندي 4 غيره".