إصابة الفنان محمد صلاح بفيروس كورونا

صحيفة المرصد: أصيب الفنان المصري محمد صلاح، بفيروس كورونا، أمس الأحد، وتم حجزه في إحدى المستشفيات لتلقي العلاج.
وكتب صلاح: "بكتبلكم وأنا على سريري في مستشفى صدر العباسية وبعد عمل أشعة مقطعية على الصدر، اللي أكدت أني مصاب بالوباء اللعين وقالولي تأخرت ليه".
وتابع، على "فيسبوك": "يمكن تكون آخر كلمات ليا في الدنيا دي... اترددت كتير بس لقيت نفسي مش قادر وبكتب.. لأني حسيت إحساس غريب.. حسيت إني مش خايف من الموت.. انا خايف أني أموت قبل ماشوف النجاح"، مضيفا: "استغربت وقولت لنفسي إنت مش خايف من الموت ؟؟؟ قولت والله لا.. أنا خايف أموت قبل ماشوف نجاحي.. بلدنا بقى الحلم فيها.. إنك بس تشتغل.. إنت بس بتحاول طول الوقت إنك تشتغل.. وتخبط على البيبان وكل البيبان بتتقفل في وشك".
وقال الفنان المصري: "شباب في أول عمرهم وشباب بقوا رجال ورجال أصبحوا كهول وبنات وسيدات موهوبين خريجي المعاهد والكليات الفنية وما وقفوش أمام كاميرا.. واللي هاجر واللي اكتئب واللي انتحر.. أجمل مافي الوجود الحلم والطموح وأقبح مافي الوجود عدم تحقيق الحلم أو الطموح ده".