"لو سكت كانت هي اللي هتقتلني".. شاهد.. قاتل طالبة المنصورة يكشف دوافع ارتكاب جريمته وتفاصيل ما دار بينهما داخل "الباص"

صحيفة المرصد: كشف قاتل جامعة المنصورة، دوافع ارتكاب جريمته البشعة بقتل زميلته وذبحها أمام جامعة المنصورة في عز النهار.

وقال المتهم في أولى جلسات محاكمته: "كنت بروح الامتحانات وعاوز أكمل يئست ومفيش طريقة أخد بيها حقي، وفي شهر رمضان كانت باعتة لي تهديد، وبعتوا ليا بلطجية لحد بيتي ومحاولتش أقتل قبل اليوم كان بيجي في دماغي لكن كنت بقول مش عاوزة أوصلها لكده لحد ما جه اليوم ده وقلت خلاص مفيش أمل ولو كنت سكت عن كده كنت هتأذي وكانت ممكن هي اللي تعمل حاجة فيا".

وأضاف:"اشتريت السكينة لأنها كانت باعتة ليا تهديد ومش ضامن أي حاجة وعلشان أدافع عن نفسي، ولما ركبنا الباص لقيتها كل شوية تكلم صاحبتها وتبص وتضحك، تضايقت واتعصبت، هي السبب في كل ده هي اللي مدمرة حياتي".

وفي تفاصيل الواقعة البشعة، فقد أقدم المجني عليه على قتل نيرة أشرف عبدالقادر، عمداً مع سبق الإصرار، حيث وضع مخططاً لقتلها، حدد فيه ميقات أدائها اختبارات نهاية العام الدراسي بجامعة المنصورة موعداً لارتكاب جريمته، وتتبعها حتى ما إن وصلت أمام الجامعة، باغتها من ورائها بعدة طعنات، سقطت أرضاً على أثرها، فوالى التعدي عليها بالطعنات ونحر عنقها باستخدام سكين.