مصر.. بعد 6 شهور خطوبة: «رنا» دخلت عش الزوجية برجلها الشمال فخرجت مضروبة بـ«الشبشب»

صحيفة المرصد:سردت زوجة مصرية تدعي رنا الرحيم، 34 عاما، من سكان مدينة ميامي التابعة لمحافظة الإسكندرية، تفاصيل معاناتها الزوجية، قائلة :"تعرفنا على بعض صالونات، وإحنا الاثنين في سن واحد، وكان كويس معايا جدا، وحبينا بعض وكتبنا الكتاب بعد 6 شهور بالظبط، وعيشنا كويس في الأول لحد ما حملت في بنتي، وبعدين حماتي كانت عايزة تقعد معانا في الشقة وأنا رفضت، ومن بعدها اتبهدلت وبقوا يضربوني وشوفت إهانة وجوزي مكانش بيعترض ولا بيدافع عني"، بحسب قولها.
و أوضحت رنا ، أنه بعد اعتراضها على معيشة حماتها معها في بيت الزوجية، قرر الزوج بيع شقتهما، إلا أنها رفضت بشدة ، معقبة:" لما قلت لأ ضربوني أنا وأمي وجابني من شعري وادوني بالشبشب وجرجرني بهدوم نومي ورماني برة الشقة".
وأضافت، قائلة :"رفعت عليه قضية خلع وخدت حكم نهائي يوم 27 إبريل الماضي، وبرضه مش عايز يسيبني في حالي أنا وبنتي، وبيجي يتهجم علينا ويبعت لنا ناس يضربوني في الشقة، ده غير إنه رافض يصرف على بنته وبيبعت 1000 جنيه بس وهو مرتبه كبير جدا، ومش هاين عليه يشوف بنته ولا بيشوفها عايشة ولا تعبانة"، بحسب ما نقلته صحيفة الوطن المصرية.
وتابعت :"تفاجأت بجوزي وكان عامل فيها ملاك قبل الجواز ومكانش باين عليه كده، بس كان بيمسع كلامه أمه في كل حاجة، لحد ما خرب علينا وعلى حياتنا وأسود أيام حياتي هي اللي عشتها معاه، ودلوقتي مش عايزة أي حاجة غير إنه يبعد عني هو وأهله، ويبطلوا تهجم وضرب فينا، أنا عايزة أعيش مع بنتي في سلام".