أثناء قدومهن لـ"العمرة".. العثور على مفاجأة صادمة في شنط 3 مسنات مصريات بـ"مطار جدة"

صحيفة المرصد: كشف موقع "مصراوي"، تفاصيل ضبط ثلاثة مسنات مصريات بحوزتهن 250 ألف قرص مخدر، في مطار الملك عبد العزيز الدولي بجدة، أثناء قدومهن للمملكة لأداء العمرة.
عرض عمرة ونقل الموقع عن ابنة إحدى السيدات، وتدعى "أم محمود"، قولها: "واحد جارنا عرض على زوج أختي يطلعه عمرة من خلال شخص يدعى م.ال.ف، فقاله لو الموضوع بجد طلع والدتي وحماتي، وفعلًا والدتي جهزت جواز السفر، والموضوع تم بسرعة وسفرت هيا واتنين من السيدات وراجل على نفس الرحلة".
شنطة زيادة وأضافت "أم محمود": "في مطار القاهرة أخواتي جم يشيلوا الشنط فكان موجود الشخص المسئول عن سفرهم، وقالهم مالكوش دعوة بالشنط إحنا هنعمل كل حاجة، واتفاجأنا أنه حط لكل واحدة فيهم شنطة زيادة بس إخواتي ما أخدوش في بالهم أنها ممكن تكون مخدرات قالوا ممكن يكون أكل".
مطار جدة وأشارت ابنة إحدى المسنات، إلى أنه "في مطار جدة أثناء التفتيش إتقبض عليهم بالحبوب المخدرة والمتهم اللي قام بوضع الحبوب لهم كان معاهم على نفس الطيارة".
هرب لما اتمسكوا وتابعت: "والدتي سافرت يوم الخميس اللي فات، ومن يومها ما سمعناش صوتها، ولما سألنا المسئول عن سفرها قال إنها والاتنين اللي معاها تاهوا منه، وهما أصلا مقبوض عليهم من يومها والمتهم كان عارف ومراقبهم ولما شافهم اتمسكوا هرب".
معاملة حسنة وأضافت الابنة:" تواصل معنا مسئول من السفارة السعودية وطمأنا على والدتي والسيدتين الأخرتين وأنهم يعاملوا معاملة حسنة".