بالفيديو .. عفاف شعيب تهاجم سهير رمزي وشهيرة وحلا شيحة بسبب خلع الحجاب: "لعب عيال" وإلا "إرضاء عريس جديد"!

صحيفة المرصد : علّقت الفنانة المصرية عفاف شعيب على خلع عدد من الفنانات للحجاب مؤخرا وبالتحديد الفنانات سهير رمزي وشهيرة وحلا شيحة.
بقالهم 27 سنة محجبات
كلام عفاف شعيب جاء خلال حوارها مع الإعلامية راغدة شلهوب ببرنامج “تحيا الستات” على قناة “النهار” حيث قالت أنها انزعجت للغاية من خلع الفنانتين شهيرة وسهير رمزي للحجاب.
وقالت عفاف شعيب: “الاتنين دول بقالهم 27 سنة محجبات.. ليه؟ بعد 27 سنة بتقلعوا ليه؟ كملوا.. بس هو كل واحد حر.. لكن زعلت لأنه بعد السنين دي كلها الناس كانت الناس حباهم بالحجاب وهما ما شاء الله حلوين وقمامير وكل حاجة، فا معرفش إيه اللي خلاهم يعملوا كده؟ أكيد حد وسوس لهم وقالهم حجاب إيه”.
إرضاء لعريس
وتابعت أنهما لو خلعتا الحجاب قبل أكثر من 10 سنوات من الآن لما انزعجت لهذه الدرجة، “لكن دلوقتي وفي السن ده؟!” على حد تعبيرها.
وعن خلع الفنانة حلا شيحة للحجاب، أكدت عفاف شعيب أنها لم تتقبل خلعها للحجاب وانتقالها المفاجئ من اللبس المحتشم لعكس ذلك، مضيفة: “طب لبستيه ليه؟؟ عشان كنتي مقتنعة بيه ولا عشان منظر ولا إرضاء لعريس جديد جايلك وقالك اتحجبي؟.. مينفعش، يا تلبسيه وأنتي مقتنعة إنه فرض من فروض ربنا سبحانه وتعالى يا متلبسيهوش”.
لعب عيال
واستطردت: “حلا ربنا يردها إليه رداً جميلاً .. بس حتى لو قلعتيه التزمي باللبس انتي ذوقتي طعم الطاعة والإلتزام، فالتزمي بحدود معينة مينفعش تقلعي كده مرة واحدة.. أنا لو دفعولي مليار دولار لا يمكن أقلعه خلاص ده اتفرض عليا مش لعب عيال”.