شاهد.. تسريب فيديو جديد للإخواني "خيرت الشاطر" يهدد بإدخال القاعدة إلى مصر

صحيفة المرصد: كشف تسريب موثق بالصوت والصورة، تهديدات خطيرة للقيادي الإخواني خيرت الشاطر، بتنفيذ عمليات تفجيرية وإدخال عناصر إرهابية من القاعدة لمصر.

وذلك ضمن الحلقة العاشرة من مسلسل "الاختيار 3"، والذي يبث على الفضائيات المصرية ويكشف خفايا فترة حكم الإخوان، بطولة ياسر جلال، أحمد السقا، كريم عبد العزيز، أحمد عز، خالد الصاوي، وصبري فواز وغيرهم.

وقال الشاطر في التسريب "المجموعات الرئيسية اللي كانت بتدعم حازم – يقصد حازم أبو إسماعيل -، هو فيه مئات الألوف على مستوى الجمهورية في المحافظات، يعني في مطروح في كفر الشيخ في دمياط السلفية الشعبية بتتبناه، وجزء من سلفيين القنوات الفضائية، هم دول مش منظمين يعني مش جسم يقدر يجمع ويعمل شغل كبير، إنما فيه مجموعات خطر، في مجموعة عبد المجيد الشاذلي أو مجموعات القطبيين أو السلفية الجهادية دول خطر حقيقي، حتى لو قليلين في العدد، لأن دول بشكل أو بآخر يتبنوا فكرة العنف، وهم عندهم نظرية موجودة بتقول إننا نقفز على الحكم والسلطة، وده تعديل في استراتيجياتهم السابقة، يعني إن هو يبقى جزء من الإصلاح من فوق من وجهة نظرهم بشكل أو بآخر".

مجموعات القاعدة

وتضمن التسريب تهديدا حقيقيا من الشاطر بإحداث تفجيرات من مجموعات القاعدة، قائلًا "عبد المجيد وجه نداءً يعني الشهر اللي فات لبعض مجموعات القاعدة والناس بتاع العنف اللي بره إنهم ينزلوا مصر، والمعلومات اللي عندنا إن نزل شوية بس مش شوية كتير، يعني ممكن 30 - 40 شخص في ظل الهيصة الموجودة في البلد والأمور مش محكومة زي الأول على مستوى أمن الدولة والأجهزة المختلفة، وممكن يبقى في تفكير في إحداث عملية تفجيرات حتى لو محدودة يعني، أو أعمال عنف محدودة، فلو ده توافق مع سكون عند الإخوان كمان تبقى كارثة".

كما أضاف "يعني يبقى الجو نفسه كله مهيأ، لأن أنا لو نزلت بمليونية وجه عندي صوت طب أطلع بقى على المحكمة الدستورية أو اللجنة العليا للانتخابات أو انزل على مجلس الدفاع نفسه أو وزارة الدفاع شوف هم بيعملوا كده إزاي والثورة وده إنتاج للنظام القديم، وأنا قلقان من أن الفترة الجاية تلجأ للعنف حتى لو على نطاق صغير، يعني مش لازم يبقى يقلب الدنيا ولا خطر، بس ما هنرجع لأجواء 92 وأجواء تانية كان خمسة ستة في حتة بيعملولنا فرقعة في المتحف ولا في حاجة بتعملنا إزعاج".

تفجيرات وزارة الدفاع

وكشف التسريب عن تهديدات أخرى للشاطر بإحداث تفجيرات عند وزارة الدفاع والمنشآت الحيوية المصرية لإحداث إرباك للأجهزة الأمنية المصرية وإنهاك الجيش، كما كشف عن وجود تعاون بين الإخوان والقاعدة من خلال حازم صلاح أبو اسماعيل.