الفنانة "نرمين الفقي"‬⁩ تنهي خطوبتها من ⁧‫سفير‬⁩ بسبب ما قالته والدته عن رائحتها!- فيديو

وقالت نرمين الفقي، في حوار مع الإعلامية نجوى إبراهيم عبر فضائية "النهار": "أول مرة جه هو والدته يتقدموا في بيتي اللي في القاهرة، قالت لي أنا ما كنتش متصورة إن نرمين الفقي ساكنة في شقة صغيرة بالشكل ده".

وتابعت نرمين: "والدتي قالت لها إنها شقة والدتها.. ردت عليها طيب وانتوا بتعملوا إيه بالفلوس اللي معاكو. مش تعملي لنفسك فيلا كبيرة، أنا قلت هدخل ألاقي بيت محصلش".وأكدت الفقي أن العريس كان إنساناً جيداً. وعقبت: "كنت مبسوطة من علاقتي بيه لأنه كان إنسان لطيف، لكن مشكلته إنه ضعيف الشخصية".

ريحة بصل

واستكملت نرمين: "بعدها عملت ليها عزومة، ومكنتش لحقت أغير هدومي بعد الطبخ. وأنا بسلم عليها قالت لي: إيه ده انت هتطلعي بريحة البصل دي".وتابعت: "بعدين عزمتهم في الفيلا بتاعتنا في الإسكندرية، وقلت لها ده بيتنا اللي كنتي عايزة تشوفيه. وكتر خير جدتي إنها ادتني شقتها عشان أعيش فيها في القاهرة. وعادي جدًا إني أعيش فيها، وبعدين بلغتها إني مش موافقة على الزواج".

وطاردت شائعات الزواج مجدداً نرمين الفقي، و كان آخرها زواجها بشخص من غير ديانتها.