بالفيديو: الفنانة "عفاف شعيب" تروي موقفا غريبا حدث لها مع " أحمد زكي" أثناء الحج.. وسبب وصف نفسه بالشيطان

وقالت خلال لقاء لها مع برنامج "واحد من الناس"، عبر قناة الحياة: "في ناس وقعت بيني وبين أحمد زكي في الحج بعد ما أقنعته يحج علشان ربنا يرضى عليه، فلقيت في ناس وسوسوا له وقالوا له خليك قاعد في الأوتيل وأنا قلت له لازم تروح مِنى علشان تقرأ قرآن قال لي طيب، وفجأة وإحنا قاعدين لقيته بيصرخ في وشي قال لي مش رايح معاكم.

مناسك الحج

وتابعت: "قلت له أنت حر دي مناسك لازم تلتزم بيها، وعرفت أن في ناس قالوا له سيبك منها ده كلامها مالوش لازمة، وفي نفس الوقت في حد قال لي إنه ما قرأش قرآن في عرفة، فقلت له ليه ما قرأتش قرآن، قال لي أنا شيطان من الشياطين، قلت له إيه الأسلوب ده، وقلت له أوعى تكلمني ورحت حجرتي وقلت خلاص مش هكلمه. وأضافت، جالي البيت من غير ما يتصل وقال لي أنت جوهرة غير كل الناس، وصالحني.