‏عايزين السعودي مايحب حكومته؟ .. "مقيم مصري " يعلق على الحياة في المملكة ويكشف عن أبرز عبارة تعلمها من السعوديين

وقال: أنا مصري مقيم في السعودية بتمتع بحقوق ماشفتهاش في أي بلد تاني .. بنتعالج ببلاش وأولاد المقيمين يدرسون ببلاش ويتعالجون ببلاش بيعاملوك وكأنك سعودي وتخلص كل أمورك وأنت ببيتك الإقامة والبيع والشراء والتأمين كل حاجه وأنت بالبيت بتجيلك

كل ده غير الأحترام والكرم اللي انا شفته ماشفتهوش في أي شعب تاني.

احتفال الأجانب باليوم الوطني السعودي

وأضاف : تعال شوف اليوم الوطني السعودي وتعبير الأجانب حرفيا بحبهم للسعودية وحكامها وعايز السعودي مايحب حكومته؟!!.

وتابع : السعودي واخد حقوقه بالكامل وحكامهم منهم وفيهم تربوا ودرسوا وعاشوا سوا بنفس الأحياء والمدارس ، والتكاتف والحب والترابط بين الشعب والحكومه في السعودية من نعم الله وفضله عليهم لأنهم بيحبوا الخير للجميع.

حرية التعبير في المملكة

​​​​​​وواصل : وحاجة تانية اللي بيقولوا السعودية ماعندهاش حرية تعبير وديموقراطية !! ، حرية تعبير وديموقراطية دي للشعوب اللي فاقدة حقوقها بس السعوديين لو عايز ياخد حقه بياخده وهو بيشرب شاي في بيته ، التكنولوجيا بتخليه يرفع بلاغ ويشتكي على حفرة، على لمبه ، طريق مكسر ، مطعم ، و على شركة وبيرفع شكوى بالمحكمه وبيقدر يحضر جلسة المحكمة وهو بالبيت مع ولاده من غير مايتحرك شبر واحد برا البيت وكل ده مسجل في النظام ووقت الحل امتى!!.

وأردف : استفادت إيه الشعوب من الديموقراطية الوهمية وحرية التعبير الفوضوية التي جعلت كتير من الدول متخلفة وبيضيعوا وقتهم بخناقة كل يوم عشان يحلوا مشكلة حفرة في احد الشوارع.