"تبي ترقعها عميتها " ..شاهد: الإعلامي "علي الفضالة" يرد على الفلكي " السعدون " بعد خسارته التحدي بشأن رؤية هلال رمضان

صحيفة المرصد: انتقد الإعلامي الكويتي " علي الفضالة" في مقطع فيديو نشره بحسابه الرسمي في منصة " إكس " ، تصريحات الفلكي الكويتي عادل السعدون بعد خسارته التحدي بشأن رؤية هلال رمضان .

وقال الفضالة في الفيديو : أبي أعرفك أن علم الفلك الآن تطور وأصبح بالتكنولوجيا ، أنت مشكلتك اجتهدت وصممت وتبي ترقعها عميتها ، وتقول " أنا سني ماني شيعي " ، إيش دخل السنة والشيعة في موضوع الاجتهاد ؟ ، هذا شيء فلكي .

تبي ترقعها عميتها

وأردف: أنت تبي تقول السنة صح والشيعة غلط ، ولا الشيعة صح والسنة غلط ؟! .. تبي ترقعها تعميها ، مالك شغل ، فمذهبهم يقول " يٌشاهد بالعين المجردة " ومذهبنا يقول " يٌشاهد بالتليسكوب " .

التقويم السنوي

وواصل: في بعض الدول الآسيوية يمشون على التقويم ، عندهم غيوم ما يشوفون الهلال ، فيمشون على التقويم السنوي ، التكنولوجيا تقدمت وتطورت ونعلم متى تغيب الشمس ومتى تطلع ، وكذلك في شمال أوروبا اللي مايشوفون الشمس لعدة شهور هذه الدول أفتت بهذا الأمر كيفها في النهاية يصومون .

واستكمل: غلطتك أنك تتحدى رب العالمين ، تتحدى شيء بأمر الرحمن . ولفت إلى أنه يتم توقع سقوط الأمطار والله يسخر الرياح وتشيل الغيوم .

تقدم العلم

واستطرد: اجتهد ولكن قُل الله يعلم ، ما يصير ياأخي أنت لا تغلط عشان لا ترقع غلط ، العلم تقدم ، أنا قاعد أكلمك وأقدر أقلك متى يتم كسوف الشمس وخسوف القمر ، أرقد وأعقل ، أجتهد بس تجتهد وتعاند مايصير .