"السياح اللي جم لقوا موبايلاتهم وقفت دي فضيحة".. بالفيديو: عمرو أديب يعلق على قرار رسوم الهواتف المحمولة في مصر
صحيفة المرصد: شنّ الإعلامي المصري عمرو أديب هجومًا حادًا على قرار جمارك الهواتف المحمولة، بعد شكاوى متكررة من توقف هواتف السياح والمصريين فور دخولهم مصر.
وخلال تقديمه برنامج «الحكاية» المذاع على قناة MBC، قال أديب : "السياح اللي جم مصر لقوا موبايلاتهم وقفت ومش شغالة (دي فضيحة)".
وتساءل: «ليه بتعملوا في الناس كده؟ هو ده جزائي؟». وأضاف بنبرة غاضبة: «أنا مواطن أظن كنت كويس، في الخمس أو الست سنين اللي فاتوا عملتوا معايا كل حاجة، ولا عمري فتحت فمي، دايمًا أقول البلد ونستحمل كلنا، طبطبوا عليّ بقى»، رافضًا ما وصفه بسياسة الوعود، قائلًا: «مش عايز الفترة اللي جاية، هاتوا لي الفترة القديمة».
وتابع أديب: «أكيد في حد رشيد في البلد، وفي إيده إنه يطبطب على الناس»، مطالبًا بالتراجع عن قرار فرض الرسوم على الموبايلات، متسائلًا: «إيه اللي يعيب إنك ترجع في القرار؟ ماذا سيحدث؟».
واختتم حديثه بالتأكيد على أن الاقتصاد يقوم على السياسة في التعامل مع المواطنين، قائلًا: «لو عايز رقم معين، هاته من حتة تانية، من ضريبة أخرى، الاقتصاد سياسة، ولازم نسايس الناس في القرارات الاقتصادية».
التعليقات (34)