بالفيديو.. الشيخ فهد اليوسف: كويتي «رخيص» مضمن 6 شركات مقابل 12 ألف دينار.. والأجانب معه استفادوا وغسلوا 100 مليون دينار
صحيفة المرصد: كشف النائب الأول لرئيس مجلس الوزراء ووزير الداخلية الكويتي الشيخ فهد اليوسف عن مخالفات جسيمة تتعلق باستغلال أسماء مواطنين كويتيين في إدارة شركات بشكل صوري.
وقال:«مع الأسف قاعدين يضحكون علينا الأجانب، مفوَّض بالتوقيع يحطّون كويتي، واللي يدير الشركة غير كويتي، وهو اللي يلعب بالشركة، والكويتي مسكين. بأمانة، كويتيين وايد في النيابة وفي السجن. عندي مع الأسف كويتي “رخيص” مضَمِّن 6 شركات مقابل 12 ألف دينار، والأجانب اللي معاه استفادوا وحوّلوا 100 مليون دينار إلى الخارج عبر غسيل الأموال. وجزء من الأجانب هربوا، وجزء موجود، والكويتي في السجن».
وتابع:«يا إخوان لازم نصحى، الكويت اليوم غير الكويت الأول. مهما قاعدين نسوي مو قاعدين نلاحق على الفساد اللي كان موجود».
وأضاف:«أنا اليوم أغلقت 9 حضانات، وفي طفلة توفّت في حضانة غير مرخّصة… شنو ذنبها؟ أنا مو ذنبي تمشي إنت غلط وأنا أحاسبك، ذنبك إنت اللي قاعد تمشي غلط. في قانون، كل إنسان داخل الكويت لازم يحترمه. اللي يحترم قوانينا نحترمه، واللي ما يحترمنا ما نحترمه».
وختم بقوله:«كسرت خاطري وحدة عندها 22 سنة تاخذ 200 دينار في الشهر، بس تروح توقّع عشان التوقيع لازم كويتي… حرام اللي قاعد يصير».
التعليقات (57)