«عايزة أتطلق.. تسريح بإحسان».. زوجة مدرب منتخب مصر حسام حسن تخرج عن صمتها لأول مرة وتكشف سبب طلبها الطلاق
صحيفة المرصد: كشفت دان علي، زوجة مدرب المنتخب المصري حسام حسن، تفاصيل جديدة بشأن الخلافات التي نشبت بينهما، مؤكدةً أنها اتخذت قرارًا بالابتعاد عن زوجها وأولادها عن أجواء المشكلات والخلافات، بعد ما وصفته باعتداءات ومشكلات استمرت لسنوات.
«كنت أواجه الأزمات وحدي»
وقالت دان علي عبر حساباتها على مواقع التواصل الاجتماعي: «كل الأزمات اللي عدت عليا الفترة اللي فاتت كنت أواجهها وحدي، وأوقات كانت أزماته هو، وكنت أواجه ليا وليه».
وأضافت: «بتقولوا بعمل فضايح كل شوية، فين الفضايح لأني بتطلق؟ ليه الستات في مصر ما بتتطلقش؟».
تفاصيل محاولات الطلاق
وتابعت: «أنا بس قلت هتطلق بالمعروف، وجبت المأذون في فندق بالإسكندرية وأخبرته إنني أريد الطلاق بالإبراء، وأنا أبريه من كل شيء، ومحصلش الطلاق، وجبت المأذون مرة تانية لأني أريد الطلاق».
«لن أنسى ما حدث في بورتو»
وأردفت: «والسبب إني لا أستطيع نسيان المشكلة اللي وقعت في بورتو، ولن أنسى ما حدث من اعتداء عليّ وعلى أولادي».
وأوضحت: «شفت المستقبل إن أنا لو مش موجودة، ولادي هيحصل لهم إيه من غيري، فقررت أبعد بأولادي حتى يكون ولادي بعيد عن هذه الحروب، لأن الحروب ما بتقفش».
وأضافت: «أنا بتحارب من 15 سنة، محاضر وقضايا وسجون، وعمري ما أخدت موقف ضد حسام ولا رفعت محضر ضده».
«هي إنجازات حسام السنة اللي فاتت؟»
واستكملت قائلة: «هي الإنجازات اللي حسام عملها السنة اللي فاتت، أنا كنت فين؟! مش أنا كنت الزوجة؟! ما تسمعوش كلام اللجان يا جماعة».
3 أسباب للطلاق
وأوضحت دان علي أنها عندما أحضرت المأذون مرة أخرى، قال لها: «أنا لو بنتي هطلقها في 3 حالات: لو بينها وبين زوجها مشاكل وقضايا، أو لو رفع إيده عليها وفيه اعتداء، أو أن يكون هناك ستات أخرى».
وأضافت: «فأخبرته إن حصل معايا الـ3 حاجات دول، وعايزة أطلق».
وأكدت أن محاولات المأذون والمعارف للصلح فشلت، قائلةً: «لأني ما نسيتش إن ولادي ما اتحاموش، وأنا مش هحكي تفاصيل لأن هنا هتكون الفضايح».
التعليقات (22)